paglalaba  
ni lorna salvosa agpay  

ayaw ko na sanang ni sulyapan
ang mantsang kaybaba
ayaw kong hawakan, ayaw kong lapitan...

Ngunit kagabi sa lilim ng buwan,
hinarap ko ang timba,
mata'y balong ng luha

kinusot nang kinusot
sinabon ng luha
bumula nang bumula,

pinipilit takpan ng bawat bula,
at ng bawat luha ang mga salitang
hindi ko nawika

at dahil nagtago ang araw,
sa sinag ako'y pinagdamotan,
kayat ipinakula ko sa dugo ng Maykapal

pinabanlawan, pinabanlawan,
at itinapon sa kung saan
ang tubig ng panghihinayang