dagiti ladawan 
iti dakkel-danum 
ni cles b. rambaud 

i. agsalsala dagiti ladawan, kasda la paset ti opera.
ngem itoy a dan-aw a kinaradapan dagiti lili,
makitkitak ti maysa a sibilisasion iti tukot;
nadalupo dagiti adigi, kasda la agpakpakaasi.
ngem inalun-on idan ti lunod ti narpuog a sodom
ken gomorrah.

ii. agngatangata dagiti aritosan a dalag; mapurarda
iti rimat dagiti sudo iti abay dagiti napakleb a
burnay. kukuada idi dagita. ngem pasetdan ti
danum. saandan a mamki iti no mano nga orasion.
agarapaapda ngem kukua ti langit ti pannakatyngpalna.

iii. ngem natalinaay ti maysa a bumabanniit iti
balsana. agar-arapaap; idinto ta agsarsarming ti
maysa a billit iti batogna, kas kadagiti tuwato
a nagdisso iti rama. wenno kas kadagiti sagpaminsan
a lumung-aw a tilapia. a maamak iti ladawanda.

iv. agsalsala dagiti riniwriw a ladawan.
naulimek dagiti agramrama. naulimek dagiti
tuwato't tsina iti sabong ti lili. iti uneg:
simmangkaulimek dagiti adigi. dagiti pakleb
a burnay ken pakleb a sudo. no di agkimay
dagiti lames, limtengen ti ulimek.