 |
||
|
burburtia Entablado ti konsierto ti sardam A rumuknoyan iti sonatan' ayat Nga allopen irair ti nota a maapiras Adda selio daytoy a pannakkel ti daniw Ti rikna wenno inakbay ti rosas Nga ilili ti pul-oy-sardam iti kayaw A harmonia: tukayenna ti maladaga A tangep a di met kasaur-kasimron Ngem bumangon ketdi a saguday ti raem Ken pannakkel ket bisitoen iti gangat Ti kingki a pammasingked ket sigkatan Iti emma ken tamdag ti liktad: Ti umel a duayya ti estranghero A ragutok, isem a makidueto iti agdegges Nga unnoy ti mangsabsabong a melodia Yanninawna kenka, o, sabong, iti kabus Ken kirmay-bituen ti lengguahe ti rikna A matarusan laeng lohika dagiti awing Ken ti sardam a selio ni daytoy Burburtia a pangngarig ti kanta Ken gitara, ti isem ken kingki A tumandag kidem man wenno sellag… Ngem moderno ket itan daytoy a prologo Ti sardam iti moderno metten nga Eva Ken Adan: daytoy ita ti burburtia A pangngarig ti makidudueton a Pakasaritaan ti nakamulian Iti simponiat' rueda ti sirkulo. A, senario laengen ti mairugkel a Kandela ti naitabonen a konsierto Ti daton-rosas iti isem ken kingki A tumandag kidem man wenno sellag…
|
||
 tomo 2/bilang 7 1999 Daniw Ken Sinan-Daniw Roy V. Aragon Murkat Roy V. Aragon Burburtia A Pangngarig Johmar R. Alvarez Balangat A Kari Reynaldo V. Idica Dayyeng Ni Apong Bagnos Cudiamat Umaddangak Eduard Britos Dagiti Bougainvillea Iti Villa Margarita Lawrence D. Martin Iti Panaglabas Dagiti Dalipato Iti Lulonan Ti Biag Jacinto de Peralta Allawig Ti Inosente A Puso Lorenzo Ilustre Sika A Prinsesa Dagiti Rosas (5) Pete B. Duldulao Sirmata 2: Digital A Manipulasion RV Aragon When Life Seems Endless Lorna Salvosa Agpay Bisperas ng Pasko Gomer V. Aragon Tatsulok Na Pag-ibig Lorna Salvosa Agpay Isang Manunulat: Narito, Alamin Mo: Isang Alipin, Cielo L. Rio Noviembre Masakit Ang Tiyan Ko RV Aragon |
|
