Addanto latta
dagiti ipus-ipus a balikas
a kumamakam iti agluasen
a pagpasagan unay ni clytie
di mauma, di mautoyan, di
maktangan a tangad, dumaw-
dawat-agrukruknoy bassi-
bassit, gramo-gramo a
pammateg...

Di agsardeng
ni apollo a tuleng kenkuana
a taudan ragsak amin a parsua-
eksperimento a nakaipilkatan
sentimos nga unnoy, ipus-ipus
a balikas, ebkas-pammateg,
kumamkamakam, agpalaud iti
binigat, lumlumtaw, di mai-
kaskaso dagiti raya a mang-
ted bara, mangpaling-et-
kumamakam...

Daytoy ngamin
ti sabong ti init a mangi-
taltalek iti amin a nailak-
sid kenkuana ket adda latta
ti agmalmalem a lupisak iti hardin
a laklaksiden ti parabur ti pamma-
teg a kumamakam...

Apay ngata ngamin
a nagdudumat' sukog-imnas dagiti
sabong a mamaglikig-imatang ti
naan-anay nga agdan iti agdama
a panawen?