"Dayta ti agpayso, Elaine," intuloy ni Joyce, "talaga a desididon a mangikasar kaniak inton bigat ket—"

"And what's the problem?" inyagaw ni Elaine. "Ay-ayatem met, isu ti kayatmo, isu ti pinilim--why, you should be happy now that you'll finally marry!"

"Elaine, dinak maawatan. Dinak koman sidiren. Actually, natinongkon ti amin..."

"A talaga a sisasaganakan a makikallaysa ken ni Cedrick ket laksidemon a maminpinsan ni Sadiri—"

"Elaine, please listen--I've just decided: diak umanamong iti kayat a mapasamak ni Cedrick..."

"And so, what now?"

"Ni Sadiri, Elaine, ni Sadiri..."

"Do you mean—"

"Elaine, agdardarasak. Next timetan nga agsao. Mapanen ti last trip a bus—"

"Shucks! Joyce, apay, 'yanmo aya ita?"

"Ditoy bus terminal, Elaine."

"Goodness! Why, papanamon?"

"Adaywak ni Cedrick! Agawidak idiay probinsia! Makaammon! Sumurot no sumurot--ngem dinak mapilit!

"Joyce!

"Innakon, Elaine, see you... Bye..."

"Joyce?"

ITI DIARY NI JOYCE:

Disiembre 10. ...Home again. Bigbigat a simmangpetak. Folks at home so surprised. Sigud ngamin nga ipakpakaunak no agaw-awidak tapno sabtendak iti poblasion. Adu a saludsod. Padpadamag. Mostly maipapan iti kallaysak. Mentioned Sadiri. Ngem diak nangngeg ti ekspektarek nga ipasabatda: a winaswasen ni Sadiri ti kasarmi. Nothing of it. Uray ti maipapan la koma iti parikutmi ken Sadiri. Ketdi, tuloy ti preparasionda. Nabang-aranak a nakaamiris: awan imbagbaga ni Sadiri. Wanted much to see Sadiri at the very moment. Immallatiwak a dagus iti balayda. My future in-laws were so glad seeing me. Ngem awan ni Sadiri a nadanonko. Nasapa kano a rimmuar. Simmalog iti bangkag. Agarado kano. Kuna ti tatang ni Sadiri a manipud simmangpet daytoy, iti bangkag, iti talon ti ayuyangna. Mailiw kano ni Sadiri nga aggamulo iti daga. Agarado. Agpalpal. Agsuyod. Agtabas. Agpasuyot. Agmula ti nateng. Ket nakapugpugot kanon ken nakapuspukolen dagiti dakulap ni Sadiri. Smiled of the fact. Sadiri's family, uray isuna idi, ket farmers. Nalawa ti talon ken bangkagda. Pasukonko ni Sadiri, kuna ni inangna. But said I'll be the one to go instead. Danonekon. Missed the ricefields. The meadows. Tinalaytayko dagiti tambak. Fascinated of the morning mist and dew. The very cold air scented with the blossoming palay and the breath of the fresh just-tilled earth. Ti nakaberberde nga aglawlaw. Dagiti bantay. The hillocks. The early birds chirping. The young rising sun... Arintarayenak. Nasaripatpatak ni Sadiri a mangsarsaruno iti nuangna. Adayo pay ngem inawagakon. So excited. So thrilled. Nakigtot a nakakita kaniak, I know. Naidarekdek. Di nakauni. Idi kuan, nagtaray metten a simmabat. Also calling my name. Corny. Kasla la eksena iti pelikula. Kasla la happy ending scene iti romance novel. Ngem we can't express our feelings than it. Kasdiay a talaga. Kasla sine no kasla sine. Kasla romance pocketbook no kasla romance pocketbook. We embraced. Nairut. Embraced and embraced and embraced. Kissed him. Kissed me.Nakasangitak iti ragsak a diak mainaganan. Sadiri, too. Aglualua met. Whispering and whispering my name... Ket impudnok amin a napasamak since he left. Ti panangpilpilit kaniak ni Cedrick. Ti dandanik pannakaallukoy. Ti dandanik pannakairubo... Dimmawatak iti pammakawan. Told him ti pannaka- realizeko nga isu a talaga ti ay-ayatek. Inaminko nga adda pay la riknak ken ni Cedrick ngem napukaw iti impakitana kaniak a kinasabrak. That I may yet love Cedrick, though, but of a love pressured and forced. Ay-ayatennak ni Cedrick ngem sabalin a panagayat. Totally new. It's a selfish love. Unconcerned and so possessive and demanding and overprotective. Impasingkedko a diakto maisukat ti ayat ni Sadiri. Diakto malaksid. Diakto pulos mapagkedkedan. Can't bear to live I've wasted a love I know is free and true and so glorious--a love that only emanates from Sadiri. Nagyaman lattan a nagyaman kaniak. Awan masaona. Nalabit dina maipeksa ti nalaus a ragsak ken pannakapnekna... Ket imbagak a madandanaganak iti mabalin nga aramiden ni Cedrick. A mabalin a sumurot ditoy bario ket agparnuay iti gulo. Cedrick is a desperate man. (Maasianak met kenkuana. No apay ngamin a dina maawat ti amin.) Ngem don't worry, kuna met ni Sadiri, we will resist him. Ngem madanaganak a talaga. Lord, yad-adayom...

Disiembre 14. Happy days with Sadiri. Preparasion ti kasarmi. Pinasiarmi dagiti prospective a ninong ken ninang for confirmation. Binalaybalaymi amin a kabagianmi. Binagaanmi ti intero a bario. Our relatives and friends iti poblasion, kadagiti neighboring barrios and towns... It's all final. Saanen a maisanud ti kasar. Wenno mawaswas. (Di met la nabaelan ni Sadiri nga inaramid ti nadakamatna iti voicetape. Wenno uray inlatakna la koma ti parikutmi. Our folks are unaware. Di kayat ni Sadiri a mairamanda a mariribuk... Saan kano met a totally a nag-resign wenno nag-withdraw, actually, iti namnamana kaniak, imbagana idi salangadek kadagiti sinasaona iti voicetape a nakaldaangan ken nakapasakit unay kaniak. Dina kano met a talaga pinukaw ti talekna kaniak. Ay-ayatennak kano ket karaip dayta nga ayat ti panagtalek ken panamatina kaniak. Dakkel kano met ket ti namnamana nga isu ti piliek. Nga isu nga uray talaga kanon a desperado idi nga inkeddengna a sumukon ket nagawid tapno agpasanaang, dina naaramid nga imbaga wenno impadlaw la koma kadagiti maseknan a din matuloy ti kasar. Ketdi, indauluanna dagiti obra iti preparasion. And he waited. He expected me to come. Ket sinaganaanna kano met ni Cedrick. Ti ammona ket kaduak...) .... All is happy here. Ngem siak, diak kompleto a naragsak wenno magagaran. Ketdi, madandanaganak. Ni Cedrick. Ammona a ditoy bario ti turongko. Sumurot la ketdi. Aniaman a kanito ket addan, I know. Dakkel a gulo ti kasla makitkitak should he come here. Don't worry, kunkuna ni Sadiri, awan dakes a mapasamak. Cedrick won't dare come kano. Ngem madlawko, adda met danag ni Sadiri. He's also restless... Diosko, dim' itulok... Lord, yad-adayom....

Disiembre 16. Thank God ta awan met nga agparang ni Cedrick. Ngem diak latta makaidna. Di agkirpa ti danagko. So afraid yet. Mapampanunotko: Cedrick maybe preparing something. Maybe designing a plan against us. Mabalin nga agur-uray laeng iti maitutop a panawen wenno gundaway. Mabalin a nagawid metten ditoy probinsia ket addan iti ilida. I'm afraid. I'm afraid. I'm anticipating nga adda ta addan ket.... Poor Cedrick. Desperate Cedrick. Maasianak met. No apay met a dina pay la awaten ti amin ket irespetona koma ti desisionko. Kaasi met. He also deserves to be happy. Wen. I sympathize with him. He's been also good to me. Inayatnak met a napudno. Impategnak met. Ket kasla saan a kompleto ti ragsakko no saan a naragsak isuna. Ammok, kastoy met ti marikrikna ni Sadiri. Best friendna ni Cedrick. Uray kaskasano a kastoy ti nagbambanagan ti panaglalangenmi. I know Sadiri wants Cedrick happy, too. Rumbeng nga agragsak met, saan la a dakami. Ngem kasano?

Disiembre 17. Still expecting Cedrick. Afraid. Ngem sabali ti dimteng. Nakaawatkami iti telegrama ni Elaine. Pappapanennakami iti siudad. Duakami kano ken ni Sadiri. Adda kano importante a banag a nasken a danonenmi. Elaine didn't elaborate. Only a telegram. Inkeddengmi ken Sadiri nga agluaskam' a dagus. Our parents objected. Dakes kano kadakami ti agbiahebiahe these days. Ngem dimi impangag. Saankam' met a sukir nga annak ngem inlawlawagmi ti kina-urgent ti telegrama ni Elaine. Pinalubosandakam' met laeng. (Ngem dimi latta imbagbaga ti parikutmi a patienmi a pakaseknan ti telegrama ni Elaine. Lalo ket ngatan a didakam' palubosan nga agpa-Manila.).... Ket di latta maikkat iti panunotko ti pangta ni Cedrick. Madanaganak. Lalo itan a maam-amakak iti panagtelegrama ni Elaine. No apay met a di pay la koma ni Elaine ti mismo nga immay. Ammona metten ditoy bario. She came here twice on a vacation with Francis. Immay la koman with that important matter a kunkunana. So that we'll be all spending Christmas here. A, ngem danonenmi laengen. Whatever it is. Ngem ania kadi ngata?

APAMAN a nakasangpetda iti siudad, nagtarus da Joyce ken Sadiri iti taeng ni Elaine. Ket naklaatda iti impadamag ni Elaine: nagsubli kanon ni Cedrick idiay Saudi Arabia!

Iti pannarita ni Elaine: "....Iti daydi nga aldaw a kinunana a panagkasaryo iti hues, Joyce, rinantanak ni Cedrick idiay opisinami. Sapsapulennaka. He was furious. Diosko, nagnerbiosak pay! Sinaludsodna kaniak no yanmo, no napanam kano. Diak ammo, kunak met. He suspected a nagkamangka idiay balay. Awan, kunak. Ket kinunana nga ammonan ti napanam ket surotennaka kano, diyo kano malapdan. Ket pimmanawen. Permi ti danagko idi. Ammok, napanunotna a nagawidka iti probinsia, Joyce. Ket surotennaka la ketdi. I'm worried then ket diak ammo ti aramidek. Kayatko a bagaankayo. Ngem diak ammo no kasano a kontakenkayo. Awan met phone idiay barioyo. Agtelegramaak koma ngem amkek a di la ketdi makakamakam ta patiek a nagbiahe a dagus a simmurot ni Cedrick. So, I just prayed and prayed to God nga awan koma ti dakes a mapasamak... Ngem after six days, immay manen ni Cedrick iti opisinami. Okey metten ti sungadna, not like before. Maraisem. I wondered. Kinasaritanak ngem awan adu a nasaona. Agdardaras ta adu kanot' asikasuenna ta agsublin idiay Riyadh. Adda intedna nga impakaasina nga ipaimak kadakayo a dua... Daydiay laeng ket nagpakadan, napanen..."

"A-Ania ti intedna, Elaine?" magagaran ni Joyce. Naulimek latta ni Sadiri.

Napan ni Elaine iti siledna. Idi agsubli, adda iggemna a seliado a sobre. "Surat ni Cedrick. A thick one, inlanadna siguro aminen ditoy dagiti kayattayo a maammuan."

Innala ni Joyce ti sobre. Agtigtigerger dagiti imana a nanglukat.

"Ala, basaenyo dayta ta innak man pay sanguen 'tay lutuek a pizza pie a pangsangailik kadakayo. I've prepared a little to celebrate this moment being with you again two-gether! Umay met ni Francis no madamdama." kinuna ni Elaine ket nagpakosina.

Naluktanen ni Joyce ti sobre, inukradna ti naguneg. Nagabayda ken Sadiri iti sopa a nangbasa iti surat ni Cedrick.

Naimpasnekan a binasada ti surat. Idi kuan, nagarimayang lattan ti lua ni Joyce. Nagkiremkirem met ni Sadiri.

Nabayag a di nakauni dagiti dua idi malpasda a mabasa ti surat ni Cedrick. Silulua latta ni Joyce idinto a kasla di masbaalan ni Sadiri ti riknana ket pilpilitenna a tenglen. Idi kuan, rimmakep ni Joyce ken ni Sadiri ket impapasna ti naglua a naglua idinto nga awan inaramid ni Sadiri no di inaprosanna nga inaprosan ti bukot ken buok ni Joyce.

"Maragsakanak unay, Sadiri..." nakuna ni Joyce idi agangay. "Maragsakanak met para kenkuana... At least, he'll also be happy... They'll be happy, too..."

"Kas karagsakta, Joyce... Freely and totally and ultimately..."

"Oh, Sadiri I'm so happy..."

"Now we're sure a data a talaga ti para iti maysanmaysa, awan duadua, Joyce."

"Sadiri, I love you... I love you..."

Inyeg ni Elaine ti damo a linutona a pizza pie. Nasdaaw iti nadatnganna. "O, apay, nga agsangsangitkan, Joyce? What's the matter? Tears of joy kadi wenno—"

"Hmmm, kalluto a pizza! Nagimasen!" kinuna ni Sadiri, inawatna ti tray a yan ti pizza pie ket imparabawna ti mesita iti sangoda. "Rugiantayo a dagus ta kapudpudotan ken kasarsarangsanganna!"

"Elaine, after this ket intay' bisitaen ti couturier," kinuna ni Joyce. "Kayatko a makita dagiti gowntayo. Kayatko nga ipadas ti trahe de bodak--I'm not afraid of superstitions now!"

"Aguraykayo man," kinuna ni Elaine "'Nia kadi ti kinuna ni Cedrick? Awan kadin problema? Saanen nga agpilit? Talaga kadi a nagsublin idiay Saudi? Saanen nga agsubli ditoy?"

"Why, here, read the answers for yourself," nagkatawa ni Joyce a nangyawat iti surat ni Cedrick ken ni Elaine.

"Suspensed ni Elaine, Joyce," kinuna ni Sadiri a mangil-ilgat iti pizza pie.

"Sika met ti agbasa, Elaine, ta siak ti mangituloy a mangluto kadagiti pizza," kinuna ni Joyce ket nagturo-ngen iti komedor. "Tulongannak, Sadiri, isaganam dagiti drinks."

Ket sinublat a binasa ni Elaine ti surat.

SURAT NI CEDRICK KADA JOYCE KEN NI SADIRI:

December 12, 19__

Dear Joyce and Sadiri,

Ipakpakaunakon ti dumawat iti pannakaawat ken pammakawanyo. Akuek a talaga a siak met la ti gapu dagiti nagparikutantayo. No apay, isu daytoy ilatakko ita. This letter should be concise and I'll just make it straight to the point. Agdardarasak ngamin. I'm rushing back to Riyadh. Wen, agsubliakon ket iti pannakabasayo itoy, awanakton iti Filipinas.

I want to tell you things nga ammok a diyo inanamaen. I want to confess ita, once and for all, dagiti inlimlimedko a basolko, nangruna kenka, Joyce...

Kayatko nga ipudno a talaga a nagbasolak. A daydiay parbo nga inusarmo, Sadiri, a pinangdadael kaniak, ket agpayso nga inaramidko. Sakbay pay a nagawidka, Sadiri, nabayagen nga adda sabali a babai a nakasulisogak idiay Riyadh. Wen, Joyce, ket mapakawannak koma ta agpayso a siak ti narasi ket siak ti nangliput kenka, iti ayatmo ken iti ayan-ayatta. Cielo ti naganna, maysa a Filipina a company nurse ti pagtrabahuak. Naguyugoyak ken natnagak kenkuana iti nalaus a pannakailak kenka, Joyce, forgive me. Ken ni Cielo a nasarakak ti liwliwa ken andingay iti pannakaipusing ken pannakailiwko kenka. Kunak a pangiliwliwagak laeng idi ni Cielo. Awan nariknak nga ayat kenkuana, ginustok laeng ti pintas ken singpetna. Ngem inayatnak ni Cielo iti napudno ken napasnek a nakakonsensiaak ta I'd just took her for granted. Ket I felt two guilts then--kenka ken kenkuana, Joyce. Diak ammo ti aramidek idi. Nagparikutak unay. Saan a narigat a patgen ni Cielo. Talaga a nasingpet ken naanus ken nadungngo. Maysa met nga ideal woman. Impakita ken impariknana nga ay-ayatennak unay-unay ket nasarakak laengen ti bagik a mangipatpategen kenkuana. Ngem lallaluak metten a nariribukan. Gapuna a dikan nasursuratan ken natawtawagan, Joyce. Nabaybay-ankan ti kunak ket nagdanagak iti relasionta. Napampanunotko a baka naupaykan kaniak ket dinakon ay-ayaten. Isu a nagduaduaak, Joyce. Kayatkon a sinaan ni Cielo idi. Ngem diak naaramid ta maasianak kenkuana. Intalekna amin a dayaw, kinatao ken masakbayanna kaniak. Diak pay masierto no talaga nga ay-ayatek ngem makonsensia ken maasianak kenkuana a mangnamnama unay kaniak. Ta sika, Joyce, pay laeng ti mariknak nga ay-ayatek idi iti laksid ti kaadda ni Cielo iti sidongko. Ngem diak ammon no ay-ayatennak pay ta amkek nga adda nakaikissiim kenka iti maipapan ken ni Cielo.

Idi agawidkan, Sadiri, nakapanunotak iti pamuspusan no kasano a maammuan ken mapaneknekak nga ay-ayatennak pay, Joyce. Kinatulagka, Sadiri, a subokenta ni Joyce. Tinalekka unay, Sadiri, ta nadekketka ngarud a pagayamko. Awanen sabali a pagtalkak pay. Ket pulos, diak ninamnama a mabalin nga agballigika, Sadiri. Ket di met pulos immapay iti isipko idi a baka lukuennak maalam la ni Joyce. Ta napalaus pay ti pammatik a dinak isukat, Joyce. Uray pay ken ni Sadiri. Isu nga idi itawag kaniak ni Sadiri a nagballigi kenka, Joyce, nagladingitak unay ket nagbabawiak. Pakawanennak koma, Joyce, ngem talaga a ginuraka idi iti pana-ngipapanko a narukopka. Diak met idi mapabasol ni Sadiri ta tulag ti tulag. Bagbagik ti pinabasolko. Idi kuan, kinanayonko a tinawtawaganka, Joyce, and I confronted you. Ngem siak ti dinillawmo. I'm wondering then. Di met ngata imbaga ni Sadiri ti tulagmi, kunkunak idi ta kasla ammom metten ta apay a napalalon ti guram kaniak idi, Joyce, ket dinak pay inikkan iti gundaway nga agpalawag. Ket diak met ammo, I wondered also, no apay nga awan met imbagam a rasonmo idi a gapu a kaguranak metten ket ikalkalintegam ti panangaklonmo ken ni Sadiri. Isu nga sinardengakon ket diakon nagtawag wenno nagsurat kadakayo. Inawatkon ti amin uray nagrigat ta saan met a kalakala a malipatak ti nabayag a relasionta, Joyce. Ngem inkagumaak ti nanglipat ta dinak metten ay-ayaten, Joyce. Impilitko a sinursuro nga ayaten ni Cielo ket nagdennakamin a kasla agassawa iti ikub ti kompania. Naragsakkami met. Plinanomi ti agkallaysa no sumangpetkami iti Filipinas apaman a malpas dagiti kontratami. I was able then to forget you, Joyce. And I thought I really love Cielo. I was contented then.

Ngem naawatko ti suratmo, Joyce, a nangbaliw iti amin. Diak naawat ti panangpardayam, Sadiri. Uray no actually ket agpayso ti imbagam. Still I felt fooled, tricked and cheated ta adda tulagta. Ket ginagemko ti agibales, to get even. Ken kangrunaan ngamin, bigla a nagungar ti ayatko kenka, Joyce, a mailiwliwagko koman. Napanunotko ngamin nga ay-ayatennak latta ta apay a sinuratannak. Wen, kimmaro dayta a pammatik iti pannakautobko a no dinak pinadakes ni Sadiri, dimo koma inaklon ket siak latta ti ay-ayatem.

Simken manen a naminpinsan ti ayatko kenka, Joyce, gapuna nga inkeddengko a dagus a subliananka, a subbotenka sakbay a maikallaysanaka ni Sadiri. Ket immayak ket diakon sinamira ni Cielo. Kasla naawan manen ti pateg ni Cielo kaniak idi ket nupay maasianak ken makonsensiaak, naglibakak kenkuana iti pudno a gagarak iti pettat a panagpa-Filipinasko. Ti la napidpidutko nga alibi a pinatpatina met piman. Agtalek ngamin unay kaniak ni Cielo, patpatgennak ken ay-ayatennak unay ket mannakaawat latta. Diak ammo no apay a naituredko idi a naglibakan ken pinanawan. Mautobko itan a dika pay la completely a nalipatan a talaga, Joyce. Ay-ayatenka pay laeng ket inkeddengko idi nga ipapilitko a pasublienka ket uray ikallaysakan. Diak a talaga idin pampanunoten ni Cielo ta nalakak met la a sinaan no kua. Wen, Joyce, talaga a desperadoak idin a mapasublika nga uray ket ngatan agparnuayak iti gulo.

Ket nadanonko nga agprobproblemakayo. Laloak a nagbalin nga optimistiko ta I'm thinking then a talaga nga ay-ayatennak pay laeng, Joyce, ta apay a dika maka-decide-decide. Ket lallalo manen idi ikeddengmo, Sadiri, nga ipabus-oymon kaniak ni Joyce ket waswasemon ti natulagen a kallaysayo. Pinatik a talaga a nobiak manen ket nagun-odkon ni Joyce. Ket isu, Joyce, a nagbalinakon a naalikuteg idi. I tried and I tried to seduce you, to pressure you into premarital sex. Tapno lalloak a makasigurado. Pakawanennak koma itoy, Joyce. Pinanggepko a talaga a tulawan ti ammok a kinadalus ti kinababaim tapno laeng maikumitkan ken dikan makapagsanud ken makapagbabawi kaniak. Ket dayawek ti kinatibkermo iti baet ti amin a panangpadasko a sulisogenka. Ditoy metten a na-realizeko a dinak a talagan ay-ayaten. Ngem impapilitko ti kalikagumko. Ta napasuboak met laengen, kunkunak. Ngem dika pinuersa, Joyce, ta diak met la naitured a mulitanka, a gundawayanka ta pulos a dimo anamongan ti gagemko. Ngem daydi insawangko nga ikallaysaka iti hues iti kabigatan daydi a rabii, talaga koma a tinakderak. Adda a talagan nakatulagko nga am-ammok a hues. Ngem awanka metten.

Idi dika masapulan, ammok lattan a nagawidka, Joyce. Sinurotmo ni Sadiri. Ket inkeddengko ti sumurot met. Madin ti pampanunotko idi. Uray no anian ti mapasamak, kunkunak idin. Wen, talaga ngata a makaparnuayak iti riribuk idi ta adda nadiskitaak a .38 a paltog nga itugotko koma iti isusurotko kadakayo.

Agsagsaganaakon a talaga idi, umayak nga umay. Ngem isu met idi a nakaawatak iti tawag ni Cielo iti dagusko nga otel. Diak ammo no kasano a natuntonanna ti yanko a tawagan. Nagpatulong kano iti kompaniami. Ammo ti pagtrabahuak ti itineraryk.

Daytoy a tawag ni Cielo ti nangbaliw manen iti amin a panggepko. Inlatakna nga aginaw kano, almost two months. Nasdaawak. Ngem adda diak mailibak a gagar ken ragsakko. Saan kano a nagar-aramat iti contraceptives kadagiti naudi a panagdennami. Ngem ti nakatignayak, ti imbaga ni Cielo nga ammona ti gapu ti panagawidko. Nabayag kanon nga ammona ti maipapan kenka, Joyce, ngem dina impadpadlaw kaniak ket binukbukodanna a linadladingit ket nagtaltalek lattan kaniak nga ayatekto met laeng completely and ultimately. Ta ay-ayatennak kano latta ket okey laeng kenkuana no sika ti ragsakko, Joyce. Nga uray kano no totally a sinaak ket maawatna. Ket lalo kano ita nga addan bungami, nga inggagarana a mapasamak, naragsak kanon ta adda mabati a pakalaglagipanna kaniak.

Naminpinsan a napukaw amin a di umno nga intensionko kadakayo, Joyce, Sadiri. I'm so touched, really touched, by Cielo's words. Naamirisko a talaga nga ay-ayatennak, no kasano kapudno ken kapasnek ti ayatna. Ket I realized also that I love her truly, wen, especially ta addanton anakmi. Diak la ketdi maitureden a tallikudan wenno din ikabilangan pay ni Cielo. Ket inkeddengko nga isu ti subliak ken isu ti pakasarak. Awatekon a talaga a dita agkagasat, Joyce. Ket bigbigek met a dakayo a talaga a dua ken Sadiri ti para iti maysa ken maysa. Siak, nasarakak metten ti kagasatko, awan duadua a ni Cielo. I know we'll be happy, too. And we'll all be happy.

Forgive me, Joyce. Forgive me, Sadiri, my friend. Happy wedding laengen. Good luck ken best wishes. I hope much we're yet and always be friends. Wen, agkikitatayonto manen. Agawidkami ken ni Cielo iti mabiit tapno agkallaysakami ken agtalinaedton dita Filipinas. Agdedennatayonto met la manen. And we'll be all happy together.

Kastan.

'Toy pagayamyo,
Cedrick