Oktubre 28. ....Nagsasangokami a tallo ditoy apartment. Dawat ni Cedrick. Agsasaritakami kano. Try to settle things... Ngem awan naayosmi. Lalo ketdi a limmanlan ti parikut. Binukodan ni Cedrick ti saritaan. Ipappapilitna dagiti rasonna. Ikalkalinteganna la kano ti karbenganna kaniak. A nasken a dakami met laeng. Ta ay-ayatennak latta ket ay-ayatek kano met latta... Lord, diak ammo ti sawek. Laloak manen a na-confuse. Cedrick's insisting. Pressuring me. Was silent. Ni met Sadiri, agul-ulimek lattan. Pilitennak ni Cedrick nga ag-decide. A masapul nga annugotek manen. Diosko, maaramidko kadi a sisasango ni Sadiri? Diak latta nagun-uni. Cedrick was upset. Pinilitnak latta. Must decide now kano. Agpiliak kano: isu wenno ni Sadiri. Ngem awan mapanunotko a maitutop. Impakaasik nga adalek pay. Agpilit latta ni Cedrick ket nagsao ni Sadiri. Kinunana a dinak koma puersaen ni Cedrick a mangeddeng. A ni Cedrick la kano met ti mangipappapilit nga ay-ayatek. Kuna pay ni Sadiri ken ni Cedrick: "Kunam a traidorak ngem inkalintegak la idi ti karbengak met nga agayat. Inayatnak met ni Joyce. Isu a dinak mapabasol. Dimo mapabasol ti ayat. Ta isu met la nga ayat nga ita mariknam ket ikalkalintegan ken ipappapilitmo met." Ngem kinuna met ni Cedrick a di koma hustipikaren ni Sadiri ti kinatraidorna. Ta diak kano koma inayat ni Sadiri no dina linoko ni Cedrick. A dinak inallilaw. Nagrason latta ni Sadiri. Ket naginnasing dagiti argumentoda. Idi kuan, naklaatak ta dinanog metten ni Cedrick ni Sadiri. Ti butengkon, nagikkisak, nagsangitak. Napatugaw ni Sadiri iti suelo. Nabtak ti bibigna. Ngem di bimmales. Diak ammo, idi bimmaetak kadakuada, ni Sadiri ti inkanawak nga inarakup. Nakitak, lalo nga immunget ti langa ni Cedrick. Kinunana ketdin: "Ania, Joyce, daytan ti desisionmo? Isu ti isalakanmo ta isu ti patpatgem? Ti ay-ayatem? Sawem man, Joyce, sawem!" Diak a talaga ammo ti kueek. Nagsangitak lattan. Indawatko a dida agapa. A didak pagapaan. Impakaasik a panawandak. Kayatko ti agmaymaysa. Kinitanak laengen ni Sadiri. Sad eyes. Begging eyes. Desperate eyes. Sa siuulimek a pimmanaw. Nagtalna met la ni Cedrick. Nag-sorry a nag-sorry. Ngem idi agpakada, impalagipna ti nasken a panangikeddengko. Isu wenno ni Sadiri. Ngem diak magustuan ti kondision ni Cedrick. A no ni Sadiri kano ti piliek, dina la kano maawat ket dina bigbigen. Kunana: "Diak kayat ti mapaay. I'll have you. Uray aniat' mapaspasamak." Mabutengak. Mabutengak...

Nobiembre 4. ....Mariribukanak latta. Kayatkon a malpas amin dagitoy. A marisut dagitoy a problema. Ngem ad-adda a diak makaikeddeng. Pilitennak, ganatennak ni Cedrick. Have your time, I'll not trouble you, kunkunana ngem di met agpabatubat. More I'm confused. Ni Cedrick. Sabalin ni Cedrick. Maikawaak. Saan a kasta idi. Self-centered met la unayen. Egoistic. Selfish. Ti la bagbaginan ti ammona. Dina bigbigen ti kunkuna met ni Sadiri a karbenganna. Wenno ti situasion. Wenno siak a mismo, ti sasaadek a diak tagtagilaka a desidiren dagitoy.... Ngem nalabit, Cedrick's just desperate. Really love me. Sort of crazily in love. Amkek, talaga a kasta. Isu a diak met kayat a dillawen no maminsan. He loves me. He really has the right.... Ket ni Sadiri. Diak ammo ta kaslaak la guilty unay iti kinaulimekna. Iti kinalidayna. Can't help not to pity him. Agkaopisinaankami. Diak maliklikan a diak makita. Wenno makadenna (Just to please our officemates so they won't suspect). Ammok a masaksaktan iti mapaspasamak. Know he's afraid... Love him. Yes. Diak mailibak. Diak pay ma-imagine a diakon ay- ayaten. Wen. Ngem diak latta mayebkas wenno maipanamnama itoy a gundaway. Why. Ni Cedrick, ti kunaek, ti patiek, a gapu. Amkek nga ay-ayatek pay laeng met ni Cedrick. Ta ania koma a gapu ngarud dagitoy a pannakariribukko? A diak simple a maikeddeng a dagus a ni Sadiri ti ay-ayatek ket isu ti piliek? Nga uray pay no ay-ayatek pay la ngata. Diak ammo. A, diak ammo ti rumbeng....

Nobiembre 12. ....Agkaraumay ni Cedrick. Urging me to break Sadiri and be with him again, eventually. Likliklikannak metten ni Sadiri. Finally, nagpayakar iti extension office idiay Cubao from our main in Makati. Wayan ni Cedrick. Even fetching me in the office. (Fortunately, di met agatap dagiti officematesko as they know Cedrick a mere friend laengen.) ....These days, anyway, I admit I can't resist Cedrick. Natakneng man metten. Feel just to ride on. So as not to aggravate things. Okey metten ti gunggunayna. Kasla manen idi. Diak maiwasan a di patgan dagiti awisna. Candle light dinner. Strolls. Outings. Kadagiti sigud a favorite placesmi. Diak mailibak: yet fascinated of the past. Ti napalabas nga isubsubli ni Cedrick iti agdama. A kasla kaykayatko met. I miss the past. Diak ammo. Yet bewildered. Apay a gusgustuek met? Why. And feel secured being with Cedrick. Ngamin met: isu manen daydi sigud a Cedrick. Can't help but to be enveloped with the past. Isu manen. Isu ta isu latta. Nice. Loving. Caring. Thoughtful. (Though, diak ammo no pammarangna laengen dagitoy tapno maallukoynak.) Ngem mariknak a napateg manen. Ket ma-guiltyak met. Ngem mayag-agusak laeng ti kunak ngamin. I know. And these are my undoings. Ammok: Cedrick's just trying to get me back, by all means siguro. He's courting me again. Ket kasla kayatko nga aklonen manen. Ngem saanen a mabalin. Should not be. Must not be....

Nobiembre 16. Diakon makitkita ni Sadiri. Di man la umammingaw ditoy Makati office. Di man la pumasiaren. Wenno tumawag. Afraid ngata? Or so guilty? Or just giving me a time yet to be free to think and decide? Ngem mailiwak met. Ket laloak met a ma-guilty. Maasianak la ngarud. Daytoy a mapaspasamak, nakadadanag. Daytoy ita a kasla panangar-arem manen ni Cedrick kaniak. Trying to get me back. Get me back all in all. Kaasi ni Sadiri. Diak mapakawan ti bagik no totally nga I'll submit to Cedrick. Afraid. Afraid. My undoings. Ngem can't help it. Diak malibasan ni Cedrick. Hellbent on getting me back.... Ammok: ammo amin ni Sadiri dagitoy. Uray awan ditoy. Ibagbaga la ketdi ni Elaine amin nga ikon-confessko. Diak la koman agilatak ken ni Elaine. So she won't have things to tell to Sadiri. Ngem diak kayat ti agilimed. Masapulko ti confidante. Can't take it alone. Elaine, a best friend, is. (And Elaine favors Sadiri much for me. Sipud agbabarkadakami iti college. Di kursonada ni Elaine ni Cedrick a para kaniak. She always prefers Sadiri.) Diak kaya ti agsekreto. Laloak a ma-guilty. Ken perhaps, Sadiri should know met a talaga. Amin a mapasamak. Kayatko. Tapno dinak kedngan. At least, ammona nga I'm trying to be fair. To be sane enough. And badly trying to end this mess for final. My decision. Kaano kadi. Kasano kadi.... Pitying Sadiri. Talaga. Makakonsensia ti kinaulimekna. Giving me time and freedom. Uray it hurts him so much. Talaga a nasingpet ken di managimbubukod. All-giving. All-caring. Outgoing ti concernna. Not for himself. But all for me. Kaasi met....

Nobiembre 18. ....Dinagasnak ni Sadiri iti panagaawidan. Expecting Cedrick ngem ni Sadiri ti nakauna. Naklaatak pay idi sardengannak ti kotsena idi agur-urayak. Hopped in. Felt excited met. Mailiwak, of course. Kayatko pay a rakepen. Ngem apay ta kasla mabainak unay. Just silent. Indawatna nga agsaritakami. Napankami iti maysa a panganan. New place. Cozy. Silent place. Fascinated. Umapay iti lagip: our happy days sakbay nga agkaproblemakami... Dinamag ni Sadiri no nakaikeddengakon. No apay a diak makasungbat. Diak maibaga a diak maka-decide. Silent. Silence. Nadlawko, mariribukan ni Sadiri. Nagpakaasi. Manen, laloak a na-guilty. Laloak a nakonsensia. Here's my boyfriend, my fiance. My husband-to-be. Apay a maituredko a parigaten? Apay pay la a diak maibaga nga isu ti piliek? Nga isu ti ay-ayatek? Don't know what. Don't know why. Ket nagulimek lattan. He said: "It's okey, dika pay naka-decide. Have your time anyway. Agurayak. Mangnamnamaak." Held my hands. Kissed them. Makonsensiaak. Ma-guiltyak. Idi kuan, imbagakon a he should not worry. Kinunak a matuloy a matuloy ti kallaysami. Diak ibabawi. Impanamnamak. Ngem diak nakita wenno narikna a naragsakan. Naliday latta. Kinunana: "Agyamanak. Ket agyamanak latta uray no dimo ibaga. Uray no dimo ipanamnama. No la ket agpayso koma. A makunam dayta a saanka a mapilpilit wenno obligado laengen." Nasakit ti saona. Ngem diak makasungbat. Kinunana manen: "Nalabit diakto met la naragsak ket dikanto met la naragsak. Kalikagumak nga agkallaysata koma a dika mapilpilit. A siaayat, sipapabus-oy, siwawaya, siraragsakka a mangeddeng." Diak nakasungsungbat. Kayatkon ti agsangit. Minedmedak. Kayatkon nga ibaga nga isu ti piliek. A patalgedan nga isu ti ay-ayatek. Ngem pinengdak. Not the right time, nautobko. Ta mabalin a di nakappapati kenkuana. Diak kayat a masairak no kunana latta a maybe I'm just obliged or pressured to. Uray siak, diak masierto. Agingga nga adda ni Cedrick. Agingga nga agpilit ni Cedrick....

Nobiembre 20. ....Immay ni Sadiri iti main office. Nagsaritakami iti canteen. Nasdaawak: agpakpakada metten. Agawid kano iti probinsia. Agbakasion. Isu ti inayanna iti main. Sinurnadanna ti im-filena a makabulan a vacation leave. Early Christmas vacation. Diak ammo ti sawek. Ammok ti gapu ti panagbakasionna. Uray dina ibaga. Diak ammo no kayatnak la a sairen ngem inlatakna a ti pambarna a rason ti bakasionna iti personnel department ket tapno asikasuenna kano idiay probinsia ti umadanin a kallaysami. Sapay ta agawidka no Paskua, urayenka, kunana. Diak nakaun-uni. Ammok ti kayatna nga ipalnaad: agawidak a nakaikedde-ngakon. Nga isu ti pinilik. It would be my Christmas gift. Koma. Koma. Ngem ni Cedrick: mangnamnama met. Ket sigsiguro unay. Dina kayat ti mapaay....

Nobiembre 21. Maldaanganak ti ipapanaw ni Sadiri. Ammok: panawanna ti saem. Ilemmengna ti ladingitna. Now, am too guilty. Siakon ti kasla akimbasol iti amin. No apay a palubosak nga agbayag daytoy a problema. Should decide now. Ngem no apay met a diak mabaelan. Makatikaw. Lakak la koma met a kedngan. No asino ti piliek. Apayen a kastoy? Apay a kastoyak? Apay a rigatek? No ay-ayatek ni Sadiri? No isu ti pakikallaysaak? Apay ti duadua? Apay a panunotek pay la ni Cedrick? Apay a mariknak pay la a napateg? Apay a kasla kaykayatko pay la ti maidenna kenkuana? Apay a diak maiwasan? Wenno mabutengak laeng ti mabalin a mapasamak? Apay met a diak ikalitegan ti riknak? Apay a diak irupir ti karbengak nga agayat iti talaga nga ay-ayatek? Why, why all these things? Apay a kastoyak? Diak maawatan....

sumaruno a pahina