panagpasina  
ni herman g. tabin  

idi pumusay ni inang
karkarna ti nakitak a rikna
ken ni lelang Andiang
ta diak nakita a nagugaog
no di ket nagpakni
iti karemmengan iti amianan...
adda arigenggen ti sainnek
ti maap-appelan a saibbek
ti inayrubosna a siuulimek...
adda umel a saning-i
kutim nga ilibbilibbi
dagiti kirriiten a bibigna:
"Apay, anakko... apayyy...
a di pay la siak ti pinaunam?
Dinno pay nga'd ti kamangak ita?"
nakitak ti pannakarabnorabnot
dagiti nagango a bangbangsit
iti asidegna...