|
tawa ti
k a t a w a
ni Andy Barroga
Mani
Napan binisita ni Rowena ni lilongna a Gimmo iti hospital. Matmaturog ti lakay a nadanonna. Mabisin la unay ni Rowena ket nagsawar iti kanenna iti uneg ti kuarto. Nakakita iti sangagarapon a mani. Dandanin maibus ni Rowena iti sangagarapon a mani idi makariing ni Lolo Gimmo.
Rowena: "Naimas met gayam `toy maniyo, lolo. Dandanik met maibusen!"
Lolo Gimmo: "Diak man ammo, apok, ta diak met mangalngal. Isu a `diay tsokoletna laeng ti kinnanko!"
Asensodan
Idut: "Ne, kumustakan barkad?"
Tante: "Kastoy latta barkad, kagapgapuk diay Africa."
Idut: "Africa?"
Tante: "Wen, idiaykami a naidestino."
Idut: "Di met adut' cannibals idiay, barkad?"
Tante: "Nakabutbuteng ngarud, ngem medio nakasursuroda met bassiten.”
Idut: "Ay-i! Saanda ngarud nga agkilaw ti taon, a?”
Tante: "`Amman latta. Ngem agkutsaradan!”
Maikatlo a bantay
Naikuyog ni Hudas iti panagpaspasiar ti Ari ken dagiti pasurotna. Idi makagtengda iti umuna a bantay, nagpukkaw ti Ari. “Mangawitkayo iti bato!” Pimmidut dagiti kakadua ni Hudas iti dadakkel a bato, ngem `tay bassit a bato ti pinidut ni Hudas ta nasadut ngamin. “Dagiti bato nga awityo,” immpukkaw ti Ari, “pagbalinek a tinapay!” Agpupungtot ni Hudas ta bassit ti kinnanna a tinapay. Agingga a nakagtengda iti maikadua a bantay. Nagbilin manen ti Ari. Nanigurado ni Hudas isu a `tay dakkel a bato ti pinidutna. “Ipennekyo nga ipalapal dayta awityo! No kasanot' kaadayona, kasta met iti kaatiddog iti biagyo!” impukkaw ti Ari. Agpupungtoten ni Hudas kasano ket asideg laeng ti nakaipalapalan ti dakkel a bato a pinidut. Idi makadanonda iti maikatlo a bantay, nagbilin ti Ari a pumidutda iti dua a bato. Pimmidut ni Hudas iti maysa a bassit ken maysa a dakkel tapno saanen a pumalpak. Ket nagpukkaw manen ti Ari. “Dagita bato nga iggemyo, pagbalinek ida nga ukel-ukelyo!
|
