Burnay | Abril 1999 | Salaysay | Maika-31 a Kombension Ti GUMIL Filipinas

iti maika-31
a kombension-nasional
ti GUMIL Filipinas
(naibasar/naadaw iti salaysay
ni Apo Onofrecia Ibarra
a maipablaak iti Bannawag)

panid 1 | panid 2

Iti maudi nga aldaw, Abril 25, naangay ti eleksion dagiti baro nga opisial ti GF nga agtakem iti 1999-2001. Naisangayan daytoy nga eleksion ta dagiti laeng dua a kandidato iti kina-presidente ti masao a naglaban ta maymaysa ti kandidato iti kada posision manipud iti kina-bise presidente agingga kina-PRO. Siam met ti nagbabalubal para iti walo-a-kameng a hunta direktiba ket nag-tie dagiti kandidato iti maika-8 a puesto.

Da Jose A. Bragado ken Reynaldo A. Duque, agpada a taga-Ilocos Sur ken agpada a sigud a presidente ti GF, ti naglaban. Malagip a nagsango manen da Apo Bragado ken Apo Duque iti eleksion ti GF iti kombension idiay Aparri, Cagayan idi 1990 a nangabakan ni Apo Duque. Itoy a gundaway, inabak met ni Apo Bragado ni Apo Duque. Sublatanna ni Honor Blanco Cabie a nangidaulo iti Gunglo iti innem a tawen (dua a nagsaruno a takem).

Dagiti napili a baro nga opisiales ti GF iti panagsapatada iti pagrebbengan: Agpakanawan, sango: Pete Duldulao, Oswald Valente, Ma. Rosa Cabie, Rey Andres, Lorenzo Ilustre, Eden Bulong, Martin Rochina, Aurelio Agcaoili, Jose Bragado, Glicerio Gallardo (nalingdan, chairman ti COMELEC), ken Gregorio Amano (mamagsapsapata). Likud, agpakanawan: Jaime Lucas, William Alvarado, Guillermo Concepcion, Mindo Aquino, ken Arthur Urata

Kadua ni Apo Bragado a nangabak da: Aurelio S. Agcaoili (Metro Manila), bise presidente; Feliciano Martin T. Rochina (Metro Manila), sekretario heneral; Eden C. Bulong (Metro Manila), tesorera; Col. Lorenzo Ilustre (Ilocos Sur), auditor; Reynaldo Andres (Ilocos Norte), business manager; Ma. Rosa A. Cabie (Metro Manila), PRO.

Dagiti direktor: Arthur P. Urata (Cagayan), Pete B. Duldulao (Ilocos Norte), Onofrecia I. Ibarra (Ilocos Norte), Elizabeth M. Raquel (Ilocos Norte), Guillermo I. Concepcion (Ilocos Norte), Mindo N. Aquino (Isabela), Oswald A. Valente (Ilocos Norte), William V. Alvarado (Pangasinan), agtakem iti 1999, ken Jaime P. Lucas (Pangasinan), agtakem iti 2000.

Nagpaay a kameng ti committee on electons da Glicerio Gallardo (presidente ti GUMIL Isabela), chairman; Marites Beñas (presidente ti GUMIL Abra); Jenerwin C. Bacuyag (presidente ti GUMIL Lallo); Joe Somera ti GUMIL Ilocos Sur; ken Joel B. Manuel ti GUMIL Ilocos Norte.

Sumagmamano kadagiti delegado: Agpakanawan, sango, nakatugaw: John Buniag Buhay Jr., Maelany Binbinon, Judy Cajigal, ken Pete Duldulao. Nakatakder: Delfin Dumayas, Jovymar Tactac, Daniel Nisperos, Roy Aragon, Jane Aragon, Giovanni Palomares, Emily Buhay, ken John Buhay.