Sumagmamano nga ala iti kallabes a kombension nasional ken literary
seminar-workshop ti GUMIL Filipinas idiay Suso ni Aran Beach Resort iti
Sta. Maria, Ilocos Sur, maysa a pagpaingan iti igid ti baybay a kukua da
Dr. Godofredo S. Reyes, laureado a mannaniw ti Kailokuan ken sigud a
presidente ti GF iti adu a daras. Itoy a maika-30 a kombension ti GF,
nagsubli dagiti mannurat nga Ilokano iti Suso Beach a nakaang-angayan ti
pasken-taripnong iti adu a tawen. Immuna a naangay ti taripnong iti Suso
Beach idi Abril 17-19 1976, napasarunuan idi 1980 agingga iti 1985.
Pinagsusublatan a sinangaili dagiti probinsial a tsapter ti kombension
kalpasanna.
Apay a 'dadduma nga ala'? Adu ngamin ti alak a ladawan, a nasaysayaat koma ngem dagiti adda ditoy, ngem saan a nagbalin. Adda pay dadduma a nagbalin ngem nasaysayaat ngamin dagiti adda ditoy isu a saankon nga inkabil.
|
