|
Ket iti maikadua a panagkuti ti bulong adda gundaway nga agkutikuti ti maysa a bulong iti kanito nga awan ti angin... ngem adda met gundaway nga adda angin ngem awan bulong iti gundaway nga agkuti iti kanito nga adda... ket iti maikadua a panakuti ti bulong: agkarasakasen daytoy, nagangon, maris-dagan a naiwalang iti daga ket dung-awton ti daniw ti angin iti kanito wenno gundaway nga adda... 
TI AUTOR: Nayanak ni John B. Buhay idi Enero 11, 1970 iti Bansing, Bayombong, Nueva Vizcaya. Tinurposna ti Christian Education idi 1990 iti Eveland Junior College idiay San Mateo, Isabela. Idi 1992, lineppasna ti Bachelor of Ministry iti Union Theological Seminary iti Cavite. Napalpasna pay ti Bachelor of Arts Major in Literature iti Aldersgate College iti Solano, Nueva Vizcaya. Sigud nga ordenado a Pastor iti United Methodist Church, agtaltalon ken agbangbangkag iti agdama. Isu ti agdama a presidente ti GUMIL Nueva Vizcaya. Adun a sarita, daniw, ken salaysayna ti naipablaak iti Bannawag ken dadduma pay a publikasion. Nagsursurat pay iti script iti drama iti radio ken iti komiks. Adu metten a gunggona ti inyalatna kadagiti nadumaduma a pasalip iti panagsuratan iti Literatura Iluko a pakairamanan ti Umuna a Gunggona iti umuna a Salip iti Avant Garde a Daniw nga Iluko idi 1995. Isu ti maysa kadagiti Fellow iti Daniw iti 1997 University of the Philippines National Writers Workshop a naangay idiay Baguio City. Addaanen iti bukod a pamilia ket addan maysa a bungada ken ni Emily a kaingungotna.
|
