|
Dara iti dara
Dumardarang alingasaw ti pul-oy Gaput' makasabidong angot-pulbora A mangladdit tadem ti ideolohia Iti panagpingki bugbugtong a puli Ah, kaano a mapugas ti piglat-gimong Agnguynguy-a balangkantis a hustisia Bambanti kadi ti pagpandayan tenneb? Adda latta sansilmo iti agmatuon A mangulaw daladal ti biag Sumgiab beggang gura iti barukong Maibuyat iti lua ti dara Kaano nga agngudo dagitoy a batibat? Mauyos namnama iti kaunggan Naruay dagiti konsensia a mawaw Iti panagindurog kadena ti tipkel! 
TI AUTOR: Tubo ni Delfin P. Dumayas ti Brgy. 7, San Nicolas, Ilocos Norte. Inrugina ti BS in Agriculture iti Mariano Marcos State University iti Batac, Ilocos Norte. Nangrugi nga scriptwriter iti BBC-DWLW Radyo Budyong iti Siudad ti Laoag idi 1988. Adun ti nasuratna a sarita, daniw, salaysay ken nobelita a kaaduanna ti naipablaak iti Bannawag ken dadduma pay a magasin ken pagiwarnak. Nagab-abak metten kadagiti pasalip iti panagsurat. Baro pay.
|
