|
TI AUTOR 
|
|
Kenka: datondaniw manipud tanem-lagip 1. ‘toy mannaniw ti pusom agungar manen rumkuas a rurog iti maluktan nga ikut-lipat darang-kalgaw lunagennat’ tanem-lagip ungtobanna, yubuyubannat’ pasged-isip maikur-it a maikur-it, latta, lattanto’t ayat... ‘toy mannaniw ti pusom agungar manen.... ungtobanna, yubuyubannat’ pasged-isip apuy yulana, uramenna ‘ta lagip ‘di naikur-it, maikur-it a maikur-it latta, lattantot’ ayat iti baet saem ken lunod iti tanem-lagip rumkuas a rurog iti maluktan nga ikut-lipat ‘toy mannaniw ti pusom agungar manen.... 2. maikur-it a maikur-it, latta, lattantot’ ayat apuy yulana, uramenna ‘ta lagip dagidi a rabiit’ saning-i ken ammangaw ken parbangon ti kiliki ken innangaw ken agsapa ti mikkimikki ken rinnay-aw sumipnget dagidi nga adda agimmamadi ken dildillaw sardam a nagtaya‘t ultimo a linnaaw rumkuas a rurog iti maluktan nga ikut-lipat ‘toy mannaniw ti pusom agungar manen.... 3. sumipnget dagidi nga adda agimmamadi ken dildillaw ita a ‘toy mannaniw ti pusom agungar manen ungtobanna, yubuyubannat’ pasged-isip apuy yulana, uramenna ‘ta lagip dagidi a rabii’t saning-i ken ammangaw a dara ken lua ken ling-et nagsayasay sardam a nagtaya‘t ultimo a linnaaw.... ngem maikur-it a maikur-it, latta, lattantot’ ayat dagidi parbangon ti kiliki ken innangaw ken agsapa ti mikkimikki ken rinnay-aw iti baet saem ken lunod iti tanem-lagip manen, ‘toy mannaniw ti pusom agungar manen, ‘toy mannaniw ti pusom agungar.... |
|
TI AUTOR
|