Nasurat daytoy a benneg iti kaaldawan ti Baro Tawen a 1995 iti pagtaengen ti gayyem daytoy. Inkaubinganna ti nagbasbasa iti Bannawag nga imparabur ti amana a nagtrabtrabaho iti kaunasan sadiay Hawaii. Naadalna ditoy ti kinasaririt dagiti Ilokano nga agsurat ken kinasupadida ti dadduma nga puli ni Pilipino. Numan pay nayanak iti Estados Umidos.nasursuruna nga impateg ti daga dagiti dadakkelna. Ti kadakkelan a karit a sangsanguen ti autor isu ti panangimulana kadagiti isip ti kadaraan a Pilipino ti kinapateg ti bukod a kapanunotan iti tayak ti inaldaw-aldaw a panagbiagna nga awan ti pakaibiangan dagiti sabsabali nga puli. Kadagidi aldaw a panangsakupda ti inatayo a pagilian namansaan ti dayaw daytoy. Daytoy a mansa ti nangbalkot iti kapanunotantayo.

Iti daytoy nga estorya dua a tao nga addaan iti arapaap nga makagteng iti nangatngato a tukad iti panagbiag. Adda kadakuada iti kalidad nga agkaarngi, ugali nga agsupadi. Nagsarakda babaen iti arapaapda. Basaenyo daytoy a pagliwliwaan ken makaited daytoy iti leksiyon nga saan a maipug-aw iti angin ni panawen.

NADANON NI ALBERT ni Kathleen iti pagtaenganda a mangur-uray kaniana ta adda pagsaritaanda a nasisita. Naemma ti balasang a nangpastrek iti baro.

Ni Kathleen Cabral ket maysa nga edukada a timmanor iti nasayaat a pamilia iti Amianan. Agtrabtrabaho iti opisina ti maysa a diputado. Maysa isuna kadagiti mapadpadayawan nga empleyado iti turay. Adu ti agduyos kanyana iti nadumaduma a suli ti Pilipinas.

Numanpay ngannganin maabotnan ti makunkuna a teppang ni ayat, naragsak ti balasang a mangur-uray iti nasayaat a gasat. Arapaap ni Kathleen ti makagun-od iti kinabaknang iti bukodna a ling-et ken regta. Kayatna iti maaddaan ti kotse, ti balay, nangingina a kawes, ken ania ditan a magun-odna a kasapulanna ken kayatna. Adu a regalo ti maaw-awatna ket kasla saan pay la a kontento. Adda ngata kurang iti biagna?

Maysa ni Albert Gonzales ti makunkuna a nasinged gayyem ni Kathleen. Ni Albert ket nagraduar iti University of the Philippines iti mass communications. Nataer a lalaki, natalento, managayat iti nakaparsuaan ken napipintas a banag, managpanunot, managparabur, ken maysa kadagiti mabigbig a nagan iti pagilian iti tay-ak ti pagiwarnak. Isuna iti creative director ken columnist iti Lipunan a maysa kadagiti mabigbig a basbasaen dagiti Pilipino nangnangruna dagiti radikal a estudyante. Duapulo ket uppat ti tawen ti baro. Adu a babbai ti agraem iti kinatao ni Albert a pakairamanan ni Kathleen.

Gapu ti kinaadu ti agraem ken agruknoy kenkuana mariribukan ti baro. Napanunotna ti nangisagana ti pagannurotan a manqpili ti babai nga mangtagikua ti kakaiso a pusona. Kasla narigat dagitoy para ti kadawyan a babai ngem nagasat ti baro makasarak iti daytoy.

Para ken ni Albert ti maysa a babai ket kasla maiyarngi iti panniriganna iti biag, managarapaap met, napintas, nagaget, masirib, mabigbig iti tay-ak ti lubongna.

Iti pagtaengan ni Kathleen nasarakan ni Albert ti kinasupadi ti balasang kadagiti babbai a naam-ammona ti naglabas a panawen. Adda dagiti kanito a naulimekda a dua. No koma maamuan ti tunggal maysa ti adda ti uneg ti isipda...anian a kinadatdatlag ti ayat nga adda kadakuada.

"O Albert, ania kumusta?" inyuni ni Kathleen.

"Eh..eh...kastoy latta ti biag. Ay wen, gayam, adda proposisyonko maipanggep ti umadanin nga eleksiyon. Kumusta ti kampanya? Ammom, kayatko nga isingasing ti serbisyok tapno mas epektibo ti kampanya." insingasing ti baro.

Nagpatnag ti panagsaritada ket naiyasideg ti kinataoda ti tunggal maysa. Adda dagiti kanito a agkatawada ken adda met ti kanito nga mariknada ti kinaliday no adda a mayestoriada maipanggep ti napalabasda. Nagsinningedda a kas agsosyo ti maysa a dakkel a proyekto, isu ti panangUpromotda ti kampanya ti diputado. Ni Kathleen ti mangidaulo daytoy a proyekto ket ni Albert.~ti public relations ken creative director.

Nagtinnulong dagiti dua a nangibaklay dagiti responsibilidadda. Natukay ti rikna ni Kathleen iti kinaalikuteg ti panagpanpanunot ni Albert. Naballigi ti wagas nga inusar ti baro nangtiliw ti imatang dagiti botante. Inawis ni Albert ni Kathleen idiay Aristocrat Restaurant iti Roxas Boulevard. Di pinaay ti balasang ti awis ti baro.

Matoktokar ti kanta a Nandito Ako. Namaris ti kawes ni Kathleen. Makaguyogoy ti kinaemmana a saan a maiparis ti uray sinno a Manilena. Dagiti matana a no masilawan ket gumilap-gilap, ti pingpingna a rumosas, dagiti bibigna a naimnas nga agkan, ken ti bosesna a kasla boses ti maysa a nalatak a kumakanta a maawawagan ti Megastar.

"Okay, Kathleen, I would like to propose a toast." insingasing ti baro.

"Let's have it." insungbatna.

"Kathleen, this.is a toast for our victory. Thanks for being an excellent leader and a team player. Naisangsangayanka. Nagasat ti baro a makasarak kenka." Limmabbaga ti balasang. Dina ammo ti isungbatna.

"It's my pleasure. Ket ammom met nagasat ti balasang a makasarak kenka." Pinadasna a di ipadlaw nga adda panagayat ti balasang ngem saannan a nauray nga sumungbat pay ti baro. Pinetpetan ni Albert ti ima ni Kathleen.

"Kathleen, nalabit saanmo nga ammo ti pudno a marikriknak kenka. Nasayaat ka ket maragsakanak a mangipakaammo kenka nga adda ikikutak a panagayatko kenka. Tattan ta naammoamon adda kenka ti karbengan a mangpaay wenno mangaklon kaniak." Serioso ti baro a nangperreng ti umalusiis a mata ni Kathleen.

"Albert, diretsoenkan tapno saankan nga matektekan wenno aguray pay ti sungbatko. Iti immuna pay laeng nga pannakaipalok ti matak iti kinataom, nasursurokan nga impateg. Pinagtiponnata dagiti arapaapta."

Nagpatnag ti dayta a rabii a nagin-innangawda a binuligan ti kanta ni ayat.

2

KAGAPGAPU NI ALBERT a naggapu idiay probinsiyada idiay Kailokuan kalpasan nga insayangkatna ti naballigi a panangbirokna ti amana a nagpukaw kasanguanan ti kabara ti eleksiyon. Innala dagiti di amammo nga lallaki a maipagarup nga agserserbi iti agda,ma a mayor sadiay.

Kaasi ti Dios, inaramid amin ni Albert ti makaya.na~. Inusarna ti media nga nangparmek iti bulok a sistema nga agraraira iti agdama nga isu ti mangketkettel ti idudur-as ti ili. Babaen ti tulong ti ABS-CBN TV Patrol ken ti Opisina ti Presidente ti Filipinas, nasapulanda ti ama ni Albert. Naidanon ti kaso iti Opisina ti Ombudsman nga isu ti mangiul-uli iti darum kontra kadagiti opisyal ti turay a naglablabes iti akemda ti mayor iti ili.

Gapu iti suporta ti PACC, naipaulog ti umno nga sentensiya. Napalalo ti dir-i ti pamilya ni Albert.

"Adda pay la nabati nga hustisya ti sistema nga magmagna iti Pilipinas," intalamitim ti baro.

Saanna a sinarungkaran ni Kathleen diay pagtaenganda diay Sampaloc ta makumikom nga mangilepleppas iti cover story ti napasamak a panagsuek iti Philippine Stock Exchange gapu iti mainaig nga pannakibiang iti Simbaan kadagiti ganggannaet nga imbestor iti pagilian.

Naguni iti telepono. Saan nga inkankano ni Albert iti telepono gapu ta okupado daytoy iti assignmentna nga iti deadline na ket iti kabigatanna. Gapu ta kanayon nga aguni iti telepono kapilitan nga pinidutna daytoy.

"Hello, Albert speaking." kinuna ti baro. Di ammo ti baro a ni Kathleen daytoy.

"O. Albert, kunak man no agan-anokan? Nasorpresa kan sa met, a?" insutil ti balasang.

"Sorry, Kathleen, saan ka a naawagan kadagitoy napalabas nga panawen gapu ta adda inasikasok iday probinsiya a personal a banag ken ita iyap-apurak ti cover story a rummuar no bigat. Mabalin kadi nga agsaritata no bigaten?" impetteng ti baro.

"Albert, I told you everything about me, my whole being for God's sake. Apay? Saannak kadi a mapagtalkan? Don't you trust me? Ammom nga iti maysa a relasyon, talek ti maysa kadagiti kangrunaan tapno mapatibker daytoy," insungbat ni Michelle ket imbabanan ti telepono.

Naikuleng ti baro iti daydiay a napasamak. Naamirisna ti biddutna ket kasla nagdigos daytoy iti nalamiis a danum. Saan a nakaidna ti dayta a rabii. Dina kayat a mapukaw ni Kathleen iti biagna gapu ta ipatpategna unay daytoy. Adayon ti nadanon ti relasyonda ket Dios laeng ti mamagsina kadakuada.

Kabigatannna naipablaak ti cover story ni Albert. Kontrobersyal daytoy a damag. Adu ti mangipangpangta ti biagna gapu iti daytoy. Ti matana ket adda amin iti nadumaduma a suli.

Naamuan a dagus daytoy ni Kathleen. Dagus nga inawaganna ti baro diay pagtaenganna diay San Lorenzo Village diay Makati City tapno ammuenna no ania ti kasasaadna.

"Hello." Saan unay a napigsa ti boses ni Albert a nagsungbat. Adda pay laeng iti katrena.

"Albert, I'm sorry for what happened yesterday. Maawatanka. Ammok nga adu ti parikutmo ket addaak latta iti sibaymo nga tumartarabay kenka. Napategka kanyak ket saanko nga maako nga maawanka ti dennak."

"Dakkel a kontrobersya daydiay sinuratmo a panangibutaktakmo ti pannakainaig ti Simbaan iti panagsuek ti Makati Stock Exchange. Adu ti nadalapusmo ket ita agsagabaka iti kasta." Naasi ti sao ni Kathleen.

"Kathleen, laglagUpem nga ti ilitayo ket agsagsagaba gapu iti bulok a sistema nga agay-ayus kadagiti urat ti turay. Nasken nga marUingko ti imatang ti sangkailian a Pilipinas. Nauman ti ili kastoy a kasasaadda. Itan ti panawen tapno maipasubli ti naan-anay nga urnos ken talna ti pagilian." Serioso ti baro a nangsubat ken ni Kathleen.

"Kayatmo kadi ti sumaruno nga Jose Rizal, Andres Bonifacio, Ninoy Aquino? Dayta kadi ti kayatmo? Kayatmo met ti rupam a rummuar iti kuwartatayo? Agriingka Albert! Addakan iti gibus ti 20th century? Saanko kayat a mapukawka. Awanak no awanka, Albert. Please isardengmon ti agsurat a maibusor kontra ti turay ken simbaan. Makaammonton ti Dios kadakuada," impaganetget ni Kathleen.

"Kathleen, agyamanak unay ta addaka latta ditoy dennak. Malaglagipko manen daydi papanta panangrabii diay Aristocrat Restaurant. Sadiayta a nangibbatan ti saota a pinagtiponnata dagiti arapaapta. Napintaska a mingmingmingak ket kasla marabsut dagiti saksakiten ti barukongko."

"Ania ngarud? Inta agdisco diay Euphoria no Sabado. No ammom ti agay-ayam ti tennis ket agay-ayamta diay Philippine Sports Plaza. No maabaknak ti tennis, saanakon nga agsursurat pay kadagiti kontrobersyal a banag," pinetpetan ni Albert ti ima ni Kathleen.

"Saanko nga ammo ti agay-ayam ti tennis. Ngem no sursuruannak, umannugotak a manglaban kenka ti tennis," kinaritna ti baro.

"Bueno, your challenge is accepted. Surruanka ti tennis ken ibagam to no ania nga aldaw ti ay-ayamta. I'm ready to get onto your challenge Kathleen," inkiddayna.

3

Nakaad-adu ti tao diay Megamall, isu ti kadakkelan a department store ti Asia. Kalkalpas ti panagserra dagiti eskuela ket kaaduan dagiti estudyante ti napan simmarungkar iti Megamall tapno gumatangda ti iyawidda iti pagtaenganda a pangpasarabo kadagiti dadakkelda wenno kaayan-ayatda.

Adda met ditoy ni Kathleen nga gumatgatang ti badona a para opisina. Pangmodelo ti napilina a pangisiten a bado a maUbagay ti tayagna ken sukog ti bagina. Dina ammo a matmatmatan ti maysa a baro iti di unay adayo. Immasideg ti baro iti balasang.

"Miss, you really look pretty in that outfit. It seems to me you work in a corporate office. By the way, siak gayam ni Alejandro Salcedo. Call me Alex for short," dagitoy nga balikas ti imbulos ti baro.

"Thanks for the compliment ngem saanko met a bagay, a! Siak ni Kathleen, Kathleen Cabral. Agtrabtrabahoak idiay Kamara kas executive assistant saan nga idiay commercial district. Napagbiddutannak sa met iti sabali a tao?" sinaludsod ti balasang.

Kameng ni Alex iti maysa a pamilya nga manngeg ti naganda iti intero a pagilian. Ti pamilyana ket akinkua iti Salcedo Investors Group nga mangtartarawidwid iti industriya iti lana idiay Palawan. Isuda ti mangsupsuplay ti lana iti lokal a merkado ken mailaklako pay iti kabangibang a pagilian iti Asia.

Gapu ti kinabaknang ni Alex, am-ammo isuna iti kagimongan ket adu ti babbai iti nagdaliasat ti dakulapna sakbay a mapilina ti babai nga awaten ti pamilyana. Ita nakitana ni Kathleen Cabral. Ania ngata iti agur-uray para itoy balasang?

Nasayaat ti taktakder, makatukay ti kuti, ken makabatumbalani ti bosesna. Saan a ninamnama ti balasang nga agkita da pay. Naguni ti telepono itx opisina ni Kathleen.

"Hello, Representative Trinidad Office!" naisem ti sao ni Kathleen.

"Guess who is this?" kinuna ti boses.

"Ummm! Sika ni A-A-A-Allex! Yes, Alex. Sika ti naam-ammok diay Megamall, right? Kasano a naammuam ti teleponok?" sinaludsod ti balasang.

"Ammom, adu ti koneksionko. Saan a narigat a biroken ti balasang a kas kenka." insutil ti baro.

"Well, can I see you after work? Name the place. Siak ti makaammo ti amin.Alaennaka ti tsuperko manipud trabaho ken itulnognaka diay balayyo. Kalpasanna dayta agkitatanto diay paboritom a restaurant. Make it sure it's first class." impakada ti baro.

Saanen a inuray ti baro ti sungbat ti balasang. Nagpanunot ti nauneg ni Kathleen. Apan kadi wenno saan. Kalpasan ti sumagmamano a kanito, nakapagdesisyon ti balasang a patganna ti imbitasyon ti baro. Napilina ti Casino Filipino iti uneg ti Manila Pavilion Hotel. Pagaayat ngamin ni Kathleen ti agay-ayam ti Russian roulette ken ti maidasdasar a European cuisine. Nagkitada ngarud kenni Alex sadiay. Nakasuot ti baro iti Armani suit ket ad-adda ngarud a timpuar langa ti kasla ala fashion model ken umayamuom ti bangbanglo nga inusarna.

"Wow, Kathleen. You've got a fine taste for a restaurant. You're a very different woman," indayaw ti baro.

"Well, pagaayatko ti kastoy a kabibiag. Masansanak ditoy kalpasan ti suweldo ngem saanka nga agkamali nga mangibaga a ditoyak nga agsaysayang ti kuwarta ditoy gapu ta saanak pay a naabak ti Russian roulette. No kayatmo nga maamuan forget it," naisem nga insungbat ni Michelle.

Kalpasan a nalpas ti taraonda. Inyawat ni Alex ti imana. Dinawatna ti pamalubosna nga agsalada iti romantiko a musika. Pinatgan ti balasang. Nairut ti petpet ti baro iti dakulap ti balasang. Narigat a maawatan dagiti perreng ni Alex ngem maymaysa ti kayatna nga ipamatmat.

"Kathleen, kasapulan ti kompanyak ti kas kenka. Dakkel ti potensiyal ti lalo pay a panagdur-asna. Ammom nabayagen a sapsapulek ti executive assistant a kas kenka. Adu nga pribilehiyo ti maipaay kenka. Adayo ti pakadanonam no kumappengka iti Salcedo Investors Group. Mailaklako ti stocksmi idiay New York Stock Exchange ken iti London Stock Exchange. Please accept my offer," agpakpakaasi dagiti mata ni Alex.

"Alex, mabalin kadi nga ikkannak iti panawen a mangpanunot daytoy. Dakkel daytoy a banag kanyak para iti advancement ti karerak no awatek," naalumamay a sao ni Michelle.

Kalpasan iti musika nagpakadan ti balasang kenni Alex ta impambarna nga adda saanna a nalpas nga trabaho diay opisinada. Ngem iti dayta a rabii saan a nakaidna ti balasang a mangpampanunot ti dayta a kanito nga adda iti sidong ni Alex.

Inawat ngarud ni Kathleen ti diaya ni Alex a trabaho ken ti karina a makapan iti saba-sabali a pagilian nga pangibagianna kenni Alex. Naital-o isuna a kas Vice President iti Marketing gapu iti nasayaat nga track recordna ket naglak-am iti nadumaduma a pammadayaw. Inawatna ti Business Woman of the Year Award nga impaay ti Makati Allied Business Council.

"To the Vice President of Marketing, Miss Kathleen Cabral, I would like to propose a toast. Congratulations for a job well done!" intayag ni Alex ti baso ti champagne ken binoyugan dagiti empleado ti kompanya.

"Ladies and gentlemen, ipakaammok kadakayo nga apan ni Kathleen diay Japan ken Estados Unidos tapno makisarita kadagit business partners tayo sadiay. Ket idiay U.S., agbakasion pay laeng idiay iti tallo nga bulan gapu ta kasapulanna iti agrelax," innayon ti baro.

Naikkan ti $10,000 a gastosen ken plane tickets ni Kathleen. Nagpa-Japan nga immuna ta inasikasona ti dakkel a katulagan kadagiti Hapones iti dakkel a proyektoda iti panagabutda kadagiti bubon iti lana di unay udayo manipud ti isla ti Calapan nga parte ti Palawan. Di ammo ti balasang nga adda gayam nalimed nga panagayat ti CEO kenkuana.

Idi addan iti Amerika iti estado ti California ni Kathleen bigla a simmangpet ni Alex gapu iti nadagsen a problemana ket ni Kathleen laeng ti kakaisuna nga makaited iti tulong.

"Kathleen, addaka?" Adda iti ruangan ti apartment ni Kathleen ni Alex nga itay pay laeng nga agkatkatok. Kadigdigos ti balasang ket napanna innala ti ridaw.

"Alex, Alex, what are you doing here? Sumrekka. Naragsakak ta addaka ditoy Amerika. Agtugawta. Ipabpabalaymo." Nagsukat si Kathleen sana sinango ti baro.

"Kathleen kagapgapuk diay San Francisco ta binisitak ti kabagianmi idiay ken adda dinar-ayak a business engagement. Well, do you have any plans for today?" dinamag ti baro.

"Why?," sinaludsod ni Kathleen.

"If you have time let's go to Disneyland and then we'll go to Las Vegas and gamble. Baka sika ti suwertek idiay and ikkanka pay iti $10,000 a game money."

Saanen a nagpampamayan ni Kathleen. Napanda nga immuna idiay Disneyland sada nagderetso idiay Las Vegas. Nagsinnublatda a nangmaneho ti nalabbasit a Corvette ni Kathleen. Sinuerte dagiti dua iti sugal. Nangabak ni Kathleen iti Russian roulette iti $15,000 sa nangabak met ni Alex iti $20,000. Inted amin ni Alex ti inabakna ken ni Kathleen.

Kalpasanna, napanda iti bar a nangiselebraranda iti panangabakda. Nangorder ni Alex iti nangina nga arak. Naibusda ti arak nga nakagapu ti pannakaturog ti balasang. Sinakruy ti baro sana impan ti kuwarto ni Kathleen diay hotel. Indissona iti kama ket nakaturog metten iti abayna ni Alex tapno bantayanna.

Idi makarUing ni Kathleen iti agsapa nariknana iti nairut nga arakup ni Alex ken kasla napulipolan iti dakkel nga uleg. Nariknana ti nabara nga agek ti baro ket sana la naamiris nga pinaypayson ni Alex nga agbalin nga adipen ti agbarbara nga ayatna.

"Kathleen, aramidek amin nga kalikagumam tapno maragsakanka laeng ken ti agbalin a bungata, " inkari ni Alex.

"Alex basta saanakam a baybay-an ken ti babyta, I'll be a faithful wife and a loving mother." insungbat ni Kathleen nga agtedtedted ti luana. Dina ammo no maragsakan wenno marurod ta ipatpategna met ni Alex.

Naglabas ti aldaw, bulan, ken nagtalinaed ni Kathleen iti California ken ti bungada a babai kenni Alex. Nagsubli ni Alex iti Pilipinas kalpasan ti sumagmamano a bulan tapno asikasuenna ti negosyoda. Saan a dinakamat ni Alex ti maipanggep iti kasarda. Nangnamnama ti balasang iti panagsublina kadakuada.

Maysa nga aldaw impasyar ni Kathleen ti anakna sadiay Disneyland. Dina ammo nga agsarakda kenni Albert sadiay. Adda ni Albert iti Estados Unidos ta i-feature-na ti maplanplano a proyekto nga amusement park a Disneyland a maipasdek idiay Pilipinas nga malpas no 1998. Ni Albert ti agay-ayat ken ni Kathleen iti natan-ok kadagidi nga aldaw ken inggana ita. Awanan pay iti asawa ken awan pay ti sabali nga babai nga mangik-ikut iti pusona no di laeng ni Kathleen. Ti namagsina kadakuada isu daydi papan ni Kathleen iti Amerika ta sinurotna ti pagsayaatanna laeng. Saan a nakita ni Kathleen iti rupa ni Albert iti pannakaupay ken panagpungtot. Naamuan ni Albert nga saan pay a kasado ken naawane ti pammategna kenni Alex gapu ta agur-uray isuna iti awan.

Uray no kasta iti napasamak adda pay laeng ayatna kenni Albert ngem mabain la unayen gapu iti inaramidna a panangliput iti nagkariananda.

"Mabainak unayen kenka Albert. Sapay koma ta mapakawannak," agsangsangit ni Kathleen a nangarakup ken ni Albert.

"Kathleen, nupay nagbiddutka. Ti Dios ket mamakawan, ti tao pay?" Nairut ti arakup ni Albert.

Kada rabii ken aldaw binalkot ti liday ni Kathleen ket saannan a tuntunonen ti karbenganna ken ni Alex uray no addan anakna kenkuana.

"Apay? Anian nga ulpit ti naidateng kaniak? Diosko apay a binaybay-annak? Basolko ti amin. No koma ni Albert ti nakagasatko, saanko koma a linak-am dagitoy. Ania ti serbi ti kinabaknangko, kinasikatko no saanak met a pudpudno a naragsak?"

Mawaw ti puso ni Kathleen iti ayat ni Albert ket aramidenna amin tapno ayaten laeng ti baro. Iti sabali a bangir, birbiroken ni Albert ti dalan no kasano na nga mailaylayonen a maiyadayonan kenni Alex ti balasang nga ay-ayatenna unay.

Maysa nga aldaw immawag ni Kathleen ti psychotherapist maigapu iti madmadlawna a saan unay a nasimbeng nga panagdisdisisyonna gapu ta addan anakna ngem ti pusona ket nakaturong kenni Albert.

Naminsan nakapanunot ni Kathleen a kettelennan ti biagna. Immir,om ti pildoras a pampaturog tapno malipatannan a mamimpinsan ti nasakit a napasamak kenkuana ket ti anakna a babai ti nakakaasi no mabatina gapu ta saanen a makarUing pay ket ti tanem ti apanna pagturongan.

"Kaasi pay ti anakko no mapanawak. Saankon nga ituloy daytoy," inyanug-og ni Kathleen.

Sumagmamano nga aldaw ti naglabas naaksidenteSti anakna a maigapu ti nagulon a panunotna. Saanen a nakaabot iti ospital. Dimteng ti aldaw a pannakaitabon ti anakna. Naawanan ti puot ni Kathleen kalpasan a saannan a matannawagan pay ti anakna a nagsublin iti ikut ti Dios.

Binisita ni Albert ni Kathleen idiay ospital, Adda iti intensive care unit ket addaan ti tumor iti utekna. Dimmawat ti pabor manipud iti baro nga birokenna ni Alex Salcedo idiay Manila nga isu ti nakasikog kenni Kathleen. Nagsubli ni Albert iti Estados Unidos nga nalpay ti abagana. Saanna impakaammo ken ni Kathleen nga addan ni Alex iti sidong ti maysa a kakaisuna nga heredera.Nabiit pay laeng nga nagkallaysa. Impambarna laeng nga adda sadiay Japan nga mangas-asikaso kadagiti negosyoda idiay Kobe nga dinidigra ti ginggined.

Maoperaan ni Kathleen iti sumagmamano nga kanito. Ur-urayenna dagiti mangUpan kenkuana idiay operating room.

Iti saan a mapakpakadaan nga pasamak simrek ti maysa a charismatic healing minister ti kuartona ta adda ikararaganna nga pasiente iti asidegna. Nalagip ni Kathleen ti Dios ta addan iti ngangabit ni patay. Sakbay nga panawanna ti lubong ket dinawatna ti pammakawan ken panangatibay ti Dios kenkuana.

"Pastor, mabalin kad' a ikararagandak? Saankon a kaya ti sagsagabaek. Daytoy ti maudi a dawatko sakbay a pumusayak," Naleddaang ti sao ni Kathleen.

"Iha, ita a kanito nga awatem ni Jesus a mannubbotmo ken mangisalakan kenka naagasankan. Mamatika kenkuana ken agsublika iti ikutna. Laglagipem nga maaddaanka iti baro a biag ken baro a namnama iti nagan ni Jesus a Mangisalakan," ingkararag ti pastor bayat ti panangipatayna ti imana iti muging ni Kathleen.

Narikna ni Kathleen ti naisalsalumina nga bara nga mangUpaneknek iti kinabileg ti Dios. Saan a natuloy ti operasyon. Naklaat dagiti espesiyalista gapu iti kidatdatlag a panagpukaw ti tumor ni Kathleen. Maysa a milagro daytoy iti biag ni Kathleen. Dina kayaten a taliawen pay ti napalabasna ta natayen daydi dati a Kathleen Cabral. Kalpasan ti tallo a lawas nga obserbasyon, pinagawiddan iti pagtaenganna. Nagsublin iti Pilipinas kalpasan iti makalawas.

Natandaananna ti kinuna ti pastor nga matakuatan iti Juan 15:5 kadagiti panid ti Biblia. Lalo a naduyok idi ti pusona idi imbaga ti adipen ti Dios nga ni Kristo ti sungbat ket saan a ti relihiyon. Nagyaman iti Dios ni Kathleen ta inikkanna ti maikadua a gundaway tapno isu ti agbalin a testimonya iti kaadda ti Dios a napnuan biag ken kinapudno.

Naguni ti telepono. Nakasaritana ni Albert.

"Hello. "Hi KC. This is Albert. Agyamantay ti Dios inikkannaka ti gundaway nga mangabaruanan ti biag. From now on awagan iti KC gapu ta awanen ni Kathleen."

"Thank you. Albert. Yes, there's God who loves me and you. Baro a biag ti indateng ti Dios kaniak ket ita indatengna pay kaniak ti lalaki nga pudpudno nga ay-ayatek." Naglua iti ragsak ni Kathleen.

"KC, dawatek koma ti panangUyawatmo ta imam ti panangidatonko kenka iti panagkallaysata. Mangrugita manen." Inarakup si Albert ni Kathleen.

Kasla nagsublin ti langitna a napnuan bituen nga agrimrimat iti law-ang. Nakalaglagan ti riknana ta saan a nagpangadua a nangawat ti diaya ti baro nga mangisango kenkuana iti altar tapno aglantip dagiti puspusoda.