daniw
 

diskurso  
dagiti ruting  

ni daniel l. nisperos  


agdiskurso no kua dagiti ruting
iti entablado dagiti kinelleng
makilinnaaw kadagiti malnoris
a protesta ti gawat
dagiti panaas nga andingay
dagiti bulbullagaw a kari
ti pagilian nga inarado ken sinuyod
dagiti mannalon ti bisin

makitinnawarkami latta
iti tiendaan dagiti sainnek
iti baro a barayti ti ayat
nga ipalatak no kua ni ama lakay
iti malakaniang ti kaasi
a pakilantipan ti namnama
ti aginnala a pitak ken ruting
ket mainaw ti baro a rasaw
dagiti bagyo ken tikag
ta kalpasan nga agtig-ab dagiti kinelleng
kumaramut dagiti ramut dagiti kari
ken rebolusion dagiti arrabas
ay, mataraken dagiti bunubon







 

Burnay E-zine
Mayo 1999

s a l a y s a y
Maysa Laeng
A Sabali A Babai

Pamela Vera Palma

s a r i t a
Isuratmo
Dita Puso

Rosanna V. Abueg

d a n i w
Nagsaway
A Pusaksak

Abundio Balballayon

Ni Mannurat
A Naisar-ong
Ken Ni MM

Rio Noviembre

Sermon
Iti Karayan

Peter La. Julian

Sadino Man
Ti Yanmo

Lorna Salvosa Agpay

Diskurso
Dagiti Ruting

Daniel L. Nisperos

n o b e l a
Sika A Prinsesa
Dagiti Rosas (3)

Pete B. Duldulao

g a l e r i a
Ladladawan 3
RV Aragon

k d p y
Burburtia
Andy Barroga



 

isyus agipatulod ag-email ti makunak dap-ayan agpirma tungtongan dagiti editor