Daytoy ti ammok, ti diak ammo
no ammok wenno saan:
   Adda koman daydi awan a sika idi
   awan daydi adda iti awan pay
   a siak ken isuna...

Daytoy ti diak ammo, nga ammok
no ammok wenno saan:
   Nga awan koman daydi adda
   a siak ken isuna idi adda
   daydi awan iti adda nga
   isuna ken sika...

Diak ammo:
   No adda daydi awan nga isuna
   idi awan daydi adda iti awan
   a siak iti sika...

Ammok:
   Wen, isuna ngamin daydi
   adda a siak idi awan pay
   ti adda a sika ta siak
   ti addan iti sakbay ti
   adda ken awan