Kada Tedted iti Tinta
ni Juan Quinto Gonzales

 

Pannagna ti Biag
Inaldaw agaramid tayo kadagiti trabahotayo. Kastoy ti pannagna ti biag ti kadawyan a tao. Mariknana ti agbisin ket agbirok isuna iti taraon nga ipaunegna. Ania kadi ti kurang ti biagna? Saan nga mamingga ti tao nga agdakiwas no kasano nga maparang-ayna ti biagna numanpay addaan wenno awan.

Rabaw ken Uneg
No ania ti adda iti rabaw, isu metti adda ti uneg.

Tali
Dua ti ungto iti tali...pagsabtem ken pagsilpuem dagitoy...kasta iti biag.

Aso ken Tao
Pakanem ti mabisbisinan nga aso, saannaka nga kagaten...ti mabisbisinan a tao ngata?

Teknolohiya ken Nakaparsuaan
Nagdumaan dagitoy dua? Artipisyal ken natural.

Perlas ti Daya
Naisadsad ti tengnga ti taaw. Binatokdaka dagiti sangsangangaili...innalada ti raniagmo.

Bisekleta
Apay ta ibellengmo Apong ket isu dayta nga bisekleta ti sasakayam nga nakaumay ditoy?

Bisukol ken Agila
No makapan ti agila iti tuktok ti bantay makapan met ti bisukol sadiay babaen ti kired ken anus, numanpay nabuntog, nakulannay, ken narasi.

Padaanan dagiti sumaruno nga Tedted ti Tinta

 


TI AUTOR
Ni Juan Quinto Gonzales, baro pay laeng, tubo iti Maui, Hawaii ngem dimmakkel isuna iti Ilokandia. Maysa nga mannurat, graphic designer, letratista, ken computer consultant. Membro isuna iti Federation of Filipino American Media Associations. Numan pay adda iti sabali a taaw, saan nga nagbaliw ti kapanunotanna, nagtalinaed latta nga Ilokano ken Pilipino. Kailiwna ti agsida iti saluyot ken pinakbet no umay umallatiw iti Ilokandia.
Kauten ti Burnay Imbitarendakayo nga agsurat ditoy Burnay E-zine. Agbiag ti Literatura Ilokana ditoy cyberspace. 
©1997, 1998   Burnay Magazine.