Naimnas a Dayag
ni Juan Quinto Gonzales

 

Napanak sadi Amianan
Nadanonko Santa Maria nga natan-okan
Nagkararagak iti Elohim nga Simbaan
Dimdimngeg kadaguiti sasao nga nakristiannuan

Iti sango adda balasang nga nasaripatpatan
O anian a kinapintas
Bosesna a makapakintayeg iti kararua
Matana nga pumerreng nga kasla mangrunaw

Daksanggasat ta saanak nga nakapagbayag
Agsubliak iti kabisera nga nakaitaliak
Numan pay kasta ket nakapagsuratak
Daytoy nga daniw nga para iti naimnas nga dayag

TI AUTOR
Ni Juan Quinto Gonzales, baro pay laeng, tubo iti Maui, Hawaii ngem dimmakkel isuna iti Ilokandia. Maysa nga mannurat, graphic designer, letratista, ken computer consultant. Membro isuna iti Federation of Filipino American Media Associations. Numan pay adda iti sabali a taaw, saan nga nagbaliw ti kapanunotanna, nagtalinaed latta nga Ilokano ken Pilipino. Kailiwna ti agsida iti saluyot ken pinakbet no umay umallatiw iti Ilokandia.
Kauten ti Burnay Imbitarendakayo nga agsurat ditoy Burnay E-zine. Agbiag ti Literatura Ilokana ditoy cyberspace. 
©1997, 1998   Burnay Magazine.