Disiembre 1998

s a l a y s a y

Ti Bituen
Sadi Belen

ni Roy V. Aragon



s a r i t a

Ti Sagut Ken
Ni Herodes

ni Art Tolentino Ignacio

Fedela
ni Jorgina Delfin



d a n i w

Agsublika Kaniak
ni Norma Lopez Pascua

2 A Daniw
ni Art Tolentino Ignacio

Lantip: Epilogo
Ti Laoag

ni Aurelio S. Agcaoili

Ni Snoopy,
Ti Bida Nga Aso

ni Roy V. Aragon



n o b e l a

Ti Nalabaga A Krus
Iti Barukong Ni
Padre Deus Ken Ti
Estoria ni Teresa,
Agay-ayat (3)

ni Aurelio S. Agcaoili



g a l e r i a

Dadduma Pay
Nga Ala

ni RV Aragon



k d p y

Burburtia
ni Andy Barroga



Fedela

ITI PANANGMINGMINGMINGKO iti matmaturog a ladawam a dagus man a pinagpasugnodan ti angesmo, mapampanunotko a saanka a nagbiag. Dimo man la napadasan ti umanges ken iggaman ti bukodmo a laslasag, kitaen ti rupam, aprosan ti pingpingmo, wenno arakupen ti bagim.

Wen, Fedela, kabayatan nga idungdung-aw ti inam ti kinaimbag, kinasingpet ken awan pakapilawan a gupit ti maysa nga anak, basbassawangak ti kinakapsutmo nga agbiag kas mainugot iti naigasat kenka. Pagsasawak ti kinakapsutmo a lumaban tapno agragsakka, agayat a siwawayawaya ken saan a tengngel ti bilin ti sabali. Pagsasawak ti kinarukopmo, ta uray naminsan la koma ket dimo impangag ti bitek ti pusom, isu a nagpasugnod la ngarud ket pinugsatnan ti angesmo.

No koma napanunotmo man laeng ti imkis iti isusupring ket impaawatmo ti agburburek a riknam a naibalud manipud pay kinaubingmo, nangngegam koma ti bukodmo a timek. No koma inlibasmo ti bagbagim iti rakep ti paggargarawam a lubong, nariknam koma ti umanges iti nauneg ken saepen ti pul-oy ti angin. No koma nasursurom nga iwadag ti mangidurduron kenka, tinungpa ti mangirurumen kenka, wenno agriaw, wenno agbassawang, agwala. Fedela, no koma nasursurom ti limmaban, napadasam koma ti agbiag!

Inibitakon a nabayag ti ipupusaymo... Manipud idi adipenennaka ti kinakapsut, agpaabak kadagiti saplit ti biag, ken payagus iti apres ti in-inut nga ipapatay. Kunam idi a mapukpukawen ti simbeng ti nakemmo ngem tiptipdem laeng tapno mapaimbag mo laeng. Masemsemakon, kayatkon a saludsoden iti Namarsua no tinakawmo ti sumagmamano a paset ti Kinaimbagna.

Ngem iti laksid ti kunkunam a kinasimbeng ti nakem ken panagpaimbag, apay nga uray naminsan la koma ket diak nasirayan ti rimat dagiti matam. Uray naminsan la koma ket diak nasirip ti pudpudno nga isem kadagiti bibigmo, wenno maimdengan ti nasarangsang a katawam. Nabalkotka kadagiti sasawem a kinasingpet ngem linuganannaka ti leddaang. Fedela, nagsangsangitak iti kasta unay uray pay idi. Agsipud ta maysaka met laeng kadagiti nangkettel iti biagmo.

Kuna ni Ina a masapul met nga agbalinka a kas kaniak, natudio nga anak, nasingpet ken manakman... Masapul a kaska met la kaniak.

Ngem saan, diak kayat a pagsasawan ti bagik, diak kayat a papatayen ti kakaisuna a siak. Diak kayat ti agbalin a kas kenka.

Inton bigat, iti pannakaisaruag ti bannawag, taluntonek ti tambak nga umadayo... Umadayo ngem umasideg iti bagik.

Fedela,, iti maudi a mingmingko iti ladawam adda arasaasko a koma agbiagka manen.








isyus agipatulod agsurat ti makunak dap-ayan pagpirmaan tungtongan dagiti editor